"ბაიერნის" კოლუმბიელმა ნახევარმცველმა ხამეს როდრიგესმა El Chiringuito de Jugones-ისთვის მიცემულ ინტერვიუში "ბარსელონაში" გადასული თანანაკრებელი იერი მინა შეაქო:"გამახარა მინამ, "ბარსამ" წარმატებული ტრანსფერი განახორციელა. ნიჭიერია და ახალ გუნდს ძალიან გამოადგება. ვფიქრობ, ყველას გააკვირვებს და მსოფლიოს ერთ-ერთი საუკეთესო ცენტრალური მცველი გახდება".
მინა ასულგრანამ "პალმეირასისგან" 11.8 მილიონ ევროდ შეიძინა, კონტრაქტი 2023 წლის ზაფხულამდე გაუფორმა, მისი კლაუსულა კი 100 მილიონია.
