"ბარსელონასა" და არგენტინის ნაკრების ვარსკვლავი ლიონელ მესი რუსული ბანკის სახე გახდა. ამიერიდან, სამხრეთამერიკელი "ალფა ბანკის" სარეკლამო რგოლებში მიიღებს მონაწილეობას, რომელიც მსოფლიო ჩემპიონატის ოფიციალური სპონსორიცაა. სამხრეთამერიკელმა აღნიშნულ ბანკთან ერთწლიან კონტრაქტს მოაწერა ხელი. აქვე გეტყვით, რომ მესი, "ფორბსის" მონაცემებით, 2017 წელს ყველაზე მაღალანაზღაურებად სპორტსმენებს შორის მესამე ადგილზე გავიდა.
"ფორბსის" მონაცემებში იგულისხმებოდა როგორც სპორტიდან, ისე რეკლამებიდან შემოსული თანხა. ამ კომპონენტში პირველი კრიშტიანო რონალდოა, მეორე კი - ლებრონ ჯეიმსი.
