გუშინ "მუნდო დეპორტივომ" გაავრცელა ინფორმაცია, რომ პსჟ-ს თავდამსხმელმა ნეიმარმა "ბარსელონაში" დაბრუნების სურვილი გამოთქვა, კატალონიური კლუბი კი დათანხმდა, ოღონდ სანაცვლოდ ფეხბურთელი ხელფასის შემცირებაზე უნდა დათანხმდეს. დღეს მის შესაძლო ტრანსფერზე ახალი ამბები გახდა ცნობილი.
RAC1-ის ცნობით, "ბარსას" პრეზიდენტმა ჟოზეპ ბარტომეუმ გუნდის წამყვან ფეხბურთელებს ნეიმარის დაბრუნებაზე კითხა აზრი და მათგან დადებითი პასუხი მიიღო.
მიუხედავად ასულგრანადან წასვლისა, ნეი მეგობრობას აგრძელებს ჟერარ პიკესთან, ლეო მესისთან და ლუის სუარესთან, აგრეთვე ახლო ურთიერთობა აქვს თანანაკრებელ ფილიპე კოუტინიოსთან, არტურთან და მალკოლმთან.
AS-ი იტყობინება, რომ "პარი სენ ჟერმენი" თადარიგს
იჭერს და "ატლეტიკოს" თავდამსხმელის ანტუან გრიზმანის 150 მილიონ ევროდ შეძენას აპირებს.
![alt](/pictures/image50/c38a66b73f7151e20a62d5b96f902567.jpeg ""ბარსელონა" ნეიმარს ელის - პსჟ მის შემცვლელად გრიზმანის შეძენას გეგმავს")
Mundo Deportivo: ნეიმარის "ბარსელონაში" დაბრუნება რეალურია - "ბარსამ" ბრაზილიელს პირობა წაუყენა!
