3 მარტს, ლა ლიგას 26-ე ტურში "ბარსელონამ" სტუმრად "რეალს" 1:0 მოუგო.
პირველი ტაიმის შუაწელამდე მშვიდი თამაში მიმდიოდა და შემდეგ "ბარსელონამ" ანგარიში გახსნა - სერხიო რამოსის პოზიციური შეცდომით რაკიტიჩმა ისარგებლა, სერხი რობერტოს პასი მიიღო და ბურთი კურტუას კარში გადაგზავნა. ამის შემდეგ "რეალმა" შეუტია, მაგრამ ხეირი ვერა ნახა რა და უპირატესობას "ბარსა" დაეუფლა. სუარესს მეორე გოლის გატანა კურტუამ არ დაანება, რომელმაც დამატებაზე მესის დარტყმულიც მოიგერია.
მეორე ტაიმში მასპინძლებს უთავბოლოდ და გამუდმებით მარცხენა ფლანგიდან სწორხაზოვნად მიჰქონდათ იერიშები და უშანსოდ იყვნენ, ვინაიდან ბეილი ვერ ვარგობდა, ვინისიუსი განეიტრალებული იყო, ბენზემა კი - ბენზემაა.
მოკლედ, "ბარსამ" მშვიდად და აუღელვებლად დაამარცხა ბლანკოსი, დაამარცხა სტუმრად 4 დღეში მეორედ.
კლასიკოების 88-წლიან ისტორიაში პირველად დაწინაურდა "ბარსელონა" - 96 მოგება, 95 წაგება და 51 ფრე.
მადრიდი. "სანტიაგო ბერნაბეუ". 78 921 მაყურებელი
რეალი - ბარსელონა 0:1
გოლი: 0:1 რაკიტიჩი (26)
რეალი: კურტუა, რამოსი, ვარანი, რეგულიონი, კარვახალი, კროოსი (ვალვერდე 55), მოდრიჩი, კაზემირო (ისკო 76), ბენზემა, ვინისიუსი, ბეილი (ასენსიო 61)
ბარსელონა: ტერ შტეგენი, პიკე, რობერტო, ალბა, ლანგლე, ბუსკეტსი (სემედო 90+2), რაკიტიჩი, არტური (ვიდალი 71), მესი, დემბელე (კოუტინიო 78), სუარესი
![alt](/pictures/image50/87e87e37d025714fbaf19d2abea2c732.jpg "ეს "რეალისთვის" სასირცხვილოა - 4 დღეში "ბარსელონასთან" "ბერნაბეუზე" ორჯერ დამარცხდა [VIDEO]")
ერნესტო ვალვერდე: პიკემ მანერვიულა - რას გარბოდა ბურთით კარის გასწვრივ?![alt](/pictures/image50/864a24f39efc97c2f302e8db0418533e.jpg "ეს "რეალისთვის" სასირცხვილოა - 4 დღეში "ბარსელონასთან" "ბერნაბეუზე" ორჯერ დამარცხდა [VIDEO]")
სერხიო რამოსი - მესიზე უხეშობაზე: ცუდად მოახდინა რეაგირება
![რუდიგერმა "ბარსელონა" "ლეგანესის" მატჩის შედეგი შეიტყო - "რეალის" გერმანელი მცველის რეაქცია ინტერნეტს იპყრობს [VIDEO]](/pictures/image7/c401b4e543528e29217135b3b291880c.jpeg "რუდიგერმა \"ბარსელონა\" \"ლეგანესის\" მატჩის შედეგი შეიტყო - \"რეალის\" გერმანელი მცველის რეაქცია ინტერნეტს იპყრობს [VIDEO]")
