"ბარსელონას" სამი ფეხბურთელი: ლიონელ მესი, ლუის სუარესი და ხორდი ალბა შვებულების უკანასკნელ დღეებს მეუღლეებთან ერთად იბიცაზე ატარებენ, სადაც ერთ-ერთ წვეულებაზე ყოფილ თანაგუნდელ სესკ ფაბრეგასს შეხვდნენ.
ფაბრეგასის მეუღლემ, დანიელა სიმანმა "ინსტაგრამზე" ფოტო განათავსა და დააწერა: "განსხვავებული დღე, განსხვავებული წელი, თუმცა ნაცნობი საოცარი ადამიანები".
"ბარსას" ფეხბურთელები რამდენიმე დღეში დაუბრუნდებიან საწვრთნელ პროცესს, ხოლო ფაბრეგასი კი - "მონაკოს", სადაც გასული სეზონის მეორე ნახევარი გაატარა.
