16 თებერვალს, ლა ლიგის 24-ე ტურში "რეალისა" და "სელტას" მატჩი მოულოდნელად 2:2 დასრულდა.
თავიდან ვიგოელები რუსმა ახალწვეულმა სმოლოვმა დააწინაურა., შემდეგ მასპინძლებმა ორი გოლი გაიტანეს და გამარჯვებასთან ახლოს იყვნენ, მაგრამ 86-ე წუთზე სუარესმა კოხტა პასით მინა კურტუასთან პირისპირ გაიყვანა და მან საბოლოო ანგარიში დააფიქსირა.
"რეალი" 53 ქულით ლიდერია, "ბარსელონას" 1 ქულით უსწრებს და 23 თებერვალს გასვლაზე "ლევანტეს" დაუპირისპირდება.
სერხიო რამოსმა ზედიზედ მე-19 პენალტი გაიტანა - მის ანგარიშზე ამ სეზონში ლა ლიგის 21 მატჩში 5 გოლია.
მადრიდი. "სანტიაგო ბერნაბეუ". 62 477 მაყურებელი
რეალი - სელტა 2:2
გოლები: 0:1 სმოლოვი (7), 1:1 კროოსი (52), 2:1 სერხიო რამოსი (65, პენ), 2:2 მინა (86)
