Diario Sport-ის მიხედვით, პსჟ-ის თავდამსხმელმა ედინსონ კავანიმ, შესაძლოა, კარიერა "ბარსელონაში" გააგრძელოს.
მედიის ინფორმაციით, ურუგვაელი პარიზულ გრანდთან კონტრაქტს არ ახანგრძლივებს და თავისუფალი აგენტის სტატუსით დარჩება. შესაბამისად, ჩემპიონთა ლიგაზე ვერ ითამაშებს.
ადრე თავად კავანი აცხადებდა, რომ მადრიდის "ატლეტიკოსთან" იანვარში წინასწარი ხელშეკრულება გააფორმა, თუმცა გარიგება გაჭიანურდა.
"ბარსამ" უკანასკნელი რამდენიმე თვის მანძილზე სცადა პსჟ-ის სხვა ფორვარდი, ნეიმარი დაებრუნებინა გუნდში, რომელიც 2017 წელს პარიზელებს 222 მილიონად მიჰყიდა.
2019/20 წლების სეზონი საფრანგეთში კორონავირუსის გამო ვადაზე ადრე დასრულდა, კავანიმ 21 მატჩში მიიღო მონაწილეობა, სადაც 7 გოლი გაიტანა.
