ლა ლიგის 33-ე ტურში "ბარსელონამ" საკუთარ მოედანზე "ატლეტიკო" ვერ დაამარცხა - 2:2.
მე-12 წუთზე მასპინძლები დიეგო კოსტას ავტოგოლით დაწინაურდნენ (ეს კარიერაში მისი პირველი ავტოგოლია), მაგრამ სულ მალე არტურმა საჯარიმოში კარასკო წააქცია და პენალტი დაინიშნა. დიეგო კოსტას დარტყმული ბურთი ტერ შტეგენმა მოიგერია, მსაჯმა ალეხანდრო ერნანდესმა კი ვიდეოგამეორების ნახვის შემდეგ დაასკვნა, რომ მეკარემ დარტყმამდე დატოვა კარის ხაზი და ხელახლა შეასრულებინა მადრიდელებს თერთმეტმეტრიანი. ამჯერად ბურთთან საული მივიდა და ანგარიში გაათანაბრა. შესვენებამდე დარჩენილ დროში "ბარსა" ბევრს და უილაჯოდ უტევდა და მიზანს ვერ მიაღწია.
სამაგიეროდ, მეორე ტაიმის დასაწყისში მიაღწია - მესიმ პანენკას სტილში შესრულებული პენალტით კატალონიური გუნდი წინ გაიყვანა და კარიერაში მე-700 გოლი გაიტანა. თუმცა მალევე საულმა თერთმეტმეტრიანით თანაფარდობა ისევ აღადგინა. ეგ იყო და ეგ.
2 ივლისს "რეალი" "ხეტაფეს" უმასპინძლებს და გამარჯვების შემთხვევაში, "ბარსელონას" უკვე 4 ქულით გაექცევა.
5 ივლისს "რეალი" სტუმრად "ბილბაოს" შეხვდება, ხოლო 6 ივლისს "ბარსა" გასვლაზე "ვილიარეალს" დაუპირისპირდება.
ბარსელონა-ატლეტიკო
გოლები: 1:0 დიეგო კოსტა (11, საკ. კარში), 1:1 საული (19, პენ), 2:1 მესი (50, პენ), 2:2 საული (62, პენ)
![alt](/pictures/image50/e93fb7cbfc1d8852da85224f7b9c60d8.jpg "3 პენალტი, დიეგო კოსტას ავტოგოლი, მესის მე-700 გოლი და "ბარსას" მორიგი 2:2 [VIDEO]")
კიკე სეტიენის "რევოლუციური სული" - "ბარსას" დამრიგებლის ამბოხებები ფეხბურთელობიდან მწვრთნელობამდე![alt](/pictures/image50/6fb2f9f3c04f42a0f72ee95226832df7.jpg "3 პენალტი, დიეგო კოსტას ავტოგოლი, მესის მე-700 გოლი და "ბარსას" მორიგი 2:2 [VIDEO]")
ბარტომეუ ამალითურთ სეტიენს სახლში ეწვია - RAC1-მა შეხვედრის დეტალები გაამხილა
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
