შესაძლოა, "ბარსელონას" ლიდერმა ლიონელ მესიმ ესპანეთის სუპერთასის ფინალი გამოტოვოს.
კატალონიელთა თავკაცმა რონალდ კუმანმა ამ თემასთან დაკავშირებით მცირედი კომენტარი გააკეთა.
"მესისთან დაკავშირებით დაცდა მოგვიწევს. ჩვენ არ ვიცით, რა მდგომარეობაშია ლეო ტრავმის შემდეგ. ყველაფერი მალე გაირკვევა" - განაცხადა ნიდერლანდელმა სპეციალისტმა.
"ბარსელონამ" "სოსიედადს" პენალტების სერიაში სძლია და ესპანეთის სუპერთასის ფინალში გავიდა.
ფინალში "ბლაუგრანა" ბილბაოს "ატლეტიკსა" და მადრიდის "რეალს" შორის გამარჯვებულს დაუპირისპირდება. ბასკურ-დედაქალაქური შეხვედრა დღეს, 14 იანვარს, თბილისის დროით 00:00 საათზე დაიწყება.
მომზადებულია AS-ის მიხედვით
![alt](/pictures/image50/e41a80ac03c0634580cf8dcb03de0e17.jpg ""ჩვენ არ ვიცით რა მდგომარეობაშია მესი ტრავმის შემდეგ..." - რონალდ კუმანი")
ტერ შტეგენმა 2 პენალტი მოიგერია და "ბარსა" ფინალში გავიდა[VIDEO]
