ესპანურმა მედიამ ლიონელ მესისისა და "ბარსელონას" შორის გაფორმებული კონტრაქტის ფინანსური დეტალები გაასაჯაროვეს და აღმოჩნდა, რომ არგენტინელ ვარსკვლავს სპორტის ისტორიაში ყველაზე მსუყე ხელშეკრულება ჰქონია.
პირველად მონაცემები El Mundo-ს ჩაუვარდა ხელში. გამოცემის მიხედვით, სწორედ მესის კონტრაქტია სპორტის ისტორიაში ყველაზე ძვირიანი: ხელშეკრულების მიხედვით ლეომ 4 წელში "ბარსელონასაგან" 555 237 610 ევრო უნდა მიიღოს. მონაცემების მიხედვით, კონტრაქტის ამოწურვამდე 5 თვით ადრე არგენტინელმა უკვე 551 540 545 ევრო გამოიმუშავა.
დოკუმენტი 30 გვერდისაგან შედგება. "ბარსა" ვალდებულია ლიონელ სეზონში 138 მილიონი ევრო გადაუხადოს + ბონუსები: კონტრაქტის გაფორმების
115 225 000 ევრო, ხოლო ერთგულების სანაცვლოდ 77 929 955 ევრო.
მესის მიმდინარე კონტრაქტი 2017 წლის ნოემბრიდან 2021 წლის 30 ივნისამდე მოქმედებს. 2020 წლის სეზონის შუაში ლეოს "ბლაუგრანას" დატოვება სურდა, თუმცა ექსპრეზიდენტმა ხოსეპ ბართომეუმ გუნდიდან არ გაუშვა.
მესი კი გავრცელებული ინფორმაციის გამო "ბარსელონას" ხელმძღვანელობისთვის სასამართლოში ჩივილს აპირებს. "ბარსელონაში" კი ყველაფერს უარყოფენ და ამბობენ, ამ დოკუმენტის გამოქვეყნებასთან ჩვენ რა ხელი გვაქვსო, ასეთ კონფიდენციალურ ინფორმაციას როგორ გავასაჯაროებდითო...
არგენტინელის მიზანში კი სამი ადამიანია და სარჩელს სწორედ მათ წინააღმდეგ შეიტანს. პირველი "ბარსას" ექსპრეზიდენტი ხოსეპ ბართომეუ გახლავთ. მეორე ექსაღმასრულებელი დირექტორი ოსკარ გრაუ. ორივე მათგანი კონტრაქტის ხელმოწერაზე იყო პასუხისმგებელი. ხოლო მესამე კი "ბარსელონას" პრეზიდენტობის მოვალეობის შემსრულებელი კარლეს ტუსკეტსია, რომელსაც ასევე მუწვდებოდა ხელი დოკუმენტზე.
და კიდევ პრეტენზია აქვს.
ჭკუა ქონდეთ გაუშვებდენ ამას
მეორეს მხრივ თუ ბარსა მესის ამგვარ კონტრაქტს არ გაუფორმებდა და გაუშვებდა ჯერ საკითხავია 1 მილიარდიანი შემოსავალი ექნებოდა თუ არა და მეორე რომც ჰქონოდა გაჭირვებულ ხალხს დაურიგებდა? ამის ვის სჯერა?
გლობალურად კი ერთი რამეს ვერ უარვყოფთ ჩვენ საბაზრო ეკონომიკის პირობებში ვცხოვრობთ და ყველაფერს მოთხოვნა-მიწოდების კანონი არეგულირებს.
საბოლოო ჯამში კოვიდ-კრიზისმა მიიყვანა კლუბი ფინანსურ უფსკრულამდე და არა მესიმ.
როგორც უბრალო გულშემატკივარი ვისურვებდი, რომ კლუბსა და ფეხბურთელს შორის შეთანხმება შემდგარიყო და იმდენი მიეცათ რამდენის თავიც აქვთ გაკოტრების გარეშე.
კლუბს რამდენიც უღირდა იმდენს უხდიდა, რაც არ შეეძლო იმას ვერ გადაუხდიდა, ეს უკვე არა ფეხბრუთელის თავსატკივარია არამედ მენეჯმენტის. უღირდა პსჟ-ს მილიარდერ მდლობელს და ნეიმარში 222 მილიონი ევრო ანუ 260 მილიონი დოლარი გადაიხადა, ნეიმარის ბრალი იყო რომ ამხელა გადაიხადა მისმა ახალმა კლუბმა? იმდენს იხდიან რამდენიც უღირთ და აქ მთავრდება ყველა სადავო თემა და ლოგიკა, რომ მოითხოვოს კონტრაქტის გასაგრძელებლად 300 მილიონი წელიწადში, ამის უფლებაც აქვს, მისი ჯანმრთელობა და მისი ცხოვრების დრო ეწირება იმას რომ ვიღაცას ამბიცია აქვს, მესი ჰყავდეს კლუბში.
სხვათაშორის მაგ 555 მილიონი ევროდან ლამის ნახევარი გადასახადებში მიდის, ასე რომ მესის ესპანეთის ბიუჯეტში ძალიან დიდი ფული შეაქვს.