გაძევება, გოლი 90-ე წუთზე - "ბარსელონა" "ატლეტიკოს" 1 ქულითღა ჩამორჩება

AutoSharing Option
ლა ლიგის 29-ე ტურში "ბარსელონამ" დიდი გაჭირვებით დაამარცხა საკუთარ მოედანზე "ვალიადოლიდი" - 1:0, "ატლეტიკოს" ფეხის დაცდენით ("სევილიასთან" 0:1 წააგო) ისარგებლა, 1 ქულითღა ჩამორჩება და 10 აპრილს მადრიდში "რეალს" დაუპირისპირდება.

პირველი ტაიმი მასპინძლებმა დამაჯერებლად ვერ ჩაატარეს. სტუმრებს მე-9 წუთზე ანგარიშის გახსნა შეეძლოთ, როდესაც კენან კოდრომ ბურთი ხარიხას გაარტყა. მეორე ტაიმში "ბარსა" ბევრს უტევდა, მომენტებს ვერ იყენებდა და თითქოს ფრე გარდაუვალი იყო, მაგრამ 79-ე წუთზე მსაჯმა "ვალიადოლიდის" თავდამსხმელი ოსკარ პლანო გააძევა, 90-ე წუთზე კი უსმან დემბელემ გამარჯვების გოლი გაიტანა.

ნამატჩევს "ვალიადოლიდის" მერმა
ოსკარ პუენტემ პლანოს გაძევების გამო არბიტრი გააკრიტიკა და მას მძარცველი და სამარცხვინო უწოდა.

"ბარსელონას" მწვრთნელმა რონალდ კუმანმა კი აღნიშნა, რომ მისმა გუნდმა კარგად ვერ იასპარეზა, მაგრამ ცუდად თამაშითაც შეძლო გამარჯვების მოპოვება.

მკითხველის კომენტარები / 2 /
დაიღალნენ...მარტო ესენი
GORGI
17:31 15-04-2021
0
ობიექტურად შევხედოთ და შევაფასოთ, ამ სანაკრებო შეხვედრებმმა ამოაგდო გუნდი კარგი სათამაშო ხარისხიდან, მერე ფეხბურთელები ვინც ნაკრებებში იყვნენ გამოძახებულები, გადაიღალნენ. პედრის, რომ ვუყურებ აშკარად დალასლასებს, ისეა გადამწვარი. თვითონ ფეხბურთელებსაც, ლამის ყოველ მესამე დღეს აქვთ თამაშები და უკვე ამოსუნთქვის საშუალებაც აღარ აქვთ. ესპანეთში ჩემპიონატი კულმინაციას აღწევს და ფეხბურთელებსაც ეტყობათ ნერვიულობა. ამ ყველაფრის შედეგია ნებისმიერ ჩემპიონატებში, ამდენი ტრავმიანობა. ნუ გვავიწყდება რომ ფეხბურთელებიც ადამიანები არიან და არა რობოტები.
barsa
12:12 06-04-2021
3

სიახლეები პოპულარული