ლა ლიგის 35-ე ტურში "რეალისა" და "სევილიას" მატჩი 2:2 დასრულდა.
"რეალს" გამარჯვების შემთხვევაში გალიდერება შეეძლო, მაგრამ კინაღამ დამარცხდა - სტუმრები 2:1-ს იგებდნენ, როდესაც კროოსმა შორიდან დაარტყა, ბურთი დიეგო კარლოსს (თუ აზარს) მოხვდა და რიკოშეტით ბონოს კარში აღმოჩნდა.
აღსანიშნავია, რომ 74-ე წუთზე მსაჯმა მუნუერამ ბენზემას წაქცევისთვის პენალტი დანიშნა, მაგრამ ვიდეოგამეორების ნახვის შემდეგ დაასკვნა, რომ იერიშის დაწყებამდე მილიტაოს ბურთი საჯარიმოში ხელზე მოხვდა, თერთმეტმეტრიანი კურტუას კარში დანიშნა და უმაღლესი საფეხბურთო სასჯელი სისრულეში რაკიტიჩმა მოიყვანა.
"სამეფო გუნდი" 30 იანვრის შემდეგ პრიმერაზე 15 მატჩის განმავლობაში დაუმარცხებელია.
ჩემპიონატის დასრულებამდე 3 ტურით ადრე 77 ქულით ლიდერი კვლავ "ატლეტიკოა", "რეალსა" და "ბარსელონას" 75-75 ქულა აქვთ, ხოლო 71 ქულით მეოთხე ადგილზე "სევილიაა".
მადრიდი. "დი სტეფანო"
რეალი - სევილია 2:2
გოლები: 0:1 ფერნანდო (22), 1:1 ასენსიო (67), 1:2 რაკიტიჩი (78, პენ), 2:2 დიეგო კარლოსი (90+4, საკ. კარში)
![alt](/pictures/image50/5f204a1d859b4e3d65ae692decd44b01.jpg "VAR-ის პარადოქსები - "რეალი" წაგებას 90+4-ე წუთზე გადაურჩა")
"ბარსა"- "ატლეტიკო" - ფრე "რეალის" სასარგებლოდ
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
