"ბლაუგრანას" ხელმძღვანელობა იანვრის სატრანსფერო ფანჯრის დროს შეტევით რგოლში ახალი ფეხბურთელების მოყვანას შეეცდება.
როგორც გაირკვა, კლუბის სპორტული დირექტორები ინგლისის ქალაქ მანჩესტერში იმყოფებიან და ადგილობრივ კლუბებს შესაძლო გაცვლას სთავაზობენ.
როგორც Diario Sport-ი წერს, "ლურჯ-ბროწეულისფერებს" ფილიპე კოუტინიოს გასხვისება ფერან ტორესის ("სიტი") ან ედინსონ კავანის ("მანჩესტერ იუნაიტედი") სანაცვლოდ სურს, თუმცა ჯერჯერობით ორივე კლუბი უარზეა. შეგახსენებთ, ბოლო დროს გავრცელდა სიახლე, რომ "ქალაქელები" მზად იყო ფერანი ლა ლიგაში სათამაშოდ გაეშვა, თუმცა ეს ინფორმაცია დაზუსტებული არ არის.
როგორც ჩანს, ზამთრის სატრანსფერო ფანჯრის დროს "ბარსელონაში" დიდი გადაადგილებები გველოდება.
მომზადებულია Sports-ის მიხედვით
![alt](/pictures/image50/60548142e1371960161a210d83230872.jpg ""ბარსას" ხელმძღვანელობა კოუტინიოს გაცვლას მანჩესტერულ გუნდებში შეეცდება")
"ბარსამ" კოუტინიო ვერავის მიჰყიდა და გუნდში რჩება...
