"ბარსელონას" მწვრთნელი ხავი ჩემპიონთა ლიგაზე "ბაიერნთან" უშანსოდ დამარცხებისა (0:3) და ტურნირიდან გამოვარდნის გამო განრისხებულია და გუნდის სერიოზულად გადახალისება გადაწყვიტა.
ნამატჩევს გასახდელში დაძაბული ვითარება იყო და ხავიმ ფეხბურთელებს უთხრა, რომ ზოგიერთმა მათგანმა არ იცის, რას ნიშნავს "ბარსაში" თამაში.
ჟურნალისტი ჟერარ რომერო ირწმუნება, რომ ხავი მზადაა დაემშვიდობოს მარკ-ანდრე ტერ შტეგენს, სერჟინიო დესტსა და ფრენკი დე იონგს.
"მუნდო დეპორტივოს" მტკიცებით, იანვარში დაგეგმილია სამუელ უმტიტის, ფილიპე კოუტინიოსა და ოსკარ მინგესას გასხვისება, აგრეთვე "სევილიადან" იჯარით აყვანილი ლიუკ დე იონგის უკან გაბრუნება. ადრე გავრცელდა ინფორმაცია, რომ
მემფის დეპაის გაყიდვას უპირებენ.
კატალონიურმა კლუბმა დაიბრუნა დანი ალვეში და ახლოსაა ფერან ტორესის (მანჩესტერ სიტი) ტრანსფერის განხორციელებასთან. ზაფხულში მათ თავისუფალი აგენტის სტატუსით ედინსონ კავანი შეუერთდება.
ესღა აკლდა "ბარსას" - დეპაიც ტრავმირებულია
