მოგეხსენებათ, კატალონიის "ბარსელონა" ჩემპიონთა ლიგის ჯგუფურ ეტაპზე მე-3 ადგილის დაკავების შემდეგ ევროპის ლიგაზე გადაერთო, სადაც 17 და 24 თებერვალს იტალიურ "ნაპოლის" დაუპირისპირდება.
მოულოდნელად, "ბლაუგრანას" მთავარმა მწვრთნელმა ხავი ერნანდესმა დანი ალვეში განაცხადში არ შეიყვანა.
შეგახსენებთ, "ლურჯ-ბროწეულისფერების" ხელმძღვანელობამ ზამთრის სატრანსფერო ფანჯრის დროს ადამა ტრაორე, ფერან ტორესი და პიერ-ემერიკ ობამეიანგი დაიმატა. ვინაიდან უსმან დემბელე ჩემპიონთა ლიგაზე გამოდიოდა და გუნდშიც ირიცხება, განაცხადშიც ჩაჯდება, ჩამოთვლილ ფეხბურთელებში "ბარსელონა B"-ს 8 წარმომადგენელსაც შეხვდებით.
ალვეშის შემადგენლობაში არყოფნას ხელი რამდენიმე მიზეზმა შეუწყო.
პირველი: გუნდში მარჯვენა მცველად შეიძლება მოგვევლინონ სერჟინიო
დესტი, ოსკარ მინგესა, რონალდ არაუხო და სერხი რობერტო.
მეორე: ბრაზილიელი 38 წლისაა და ორ ფრონტზე თამაშს ვერ მოახერხებს, ხავისთვის კი პრიორიტეტული სეზონის ბოლოს ლა ლიგის ცხრილში საუკეთესო ოთხეულში მოხვედრა გახლავთ.
მომზადებულია Marca-ს მიხედვით
ობამეიანგი: ჩემი მიზანი "ბარსელონას" ჩემპიონთა ლიგაზე დაბრუნებაა
