ლა ლიგის 21-ე ტურის გადატანილ მატჩში „ბარსელონა“ საკუთარ მოედანზე „რაიო ვალეკანოსთან“ 0:1 დამარცხდა.მადრიდულმა გუნდმა „ბარსელონას“ სეზონში მეორედაც სძლია, რაც ისტორიაში პირველად მოხდა.
სტუმრები დებიუტში გარსიამ დააწინაურა. შესვენებაზე გასვლის წინ მასპინძლებს საპასუხო გოლის გატანა შეეძლოთ, მაგრამ გავის დარტყმული ბურთი ძელს მოხვდა. მეორე ტაიმი „ბარსამ“ უნიათოდ დაიწყო, მხოლოდ ბოლოსკენ გააქტიურდა, ანგარიში ვერ გაათანაბრა და ყველა ტურნირზე ზედიზედ მესამე საშინაო მარცხი განიცადა.
„ბარსელონა“ 63 ქულით მე-2 ადგილზეა და 1-ელ მაისს „მალიორკას“ უმასპინძლებს.
ბარსელონა. „კამპ ნოუ“. 57 023 მაყურებელი
ბარსელონა - რაიო ვალეკანო
გოლი: გარსია (7)
![alt](/pictures/image50/63137ad922ac9e2553168b4cebe8d663.jpg ""ბარსელონამ" ზედიზედ მესამე საშინაო მარცხი განიცადა")
ფატიმ შეიძლება 1-ელ მაისს "მალიორკასთან" ითამაშოს
