ლა ლიგის ბოლოსწინა, 37-ე ტურში, 9 მატჩი გაიმართა და ჩემპიონთა ლიგასა და ევროპა ლიგაზე მონაწილე გუნდების ვინაობა გაირკვა.
ტურნირის გამარჯვებული "რეალი", რომელსაც ჩემპიონთა ლიგის ფინალი ელის, რიგი ლიდერების გარეშე გასვლაზე "კადისს" დაუზავდა - 1:1. მასპინძლებს გამარჯვების მოპოვება შეეძლოთ, მაგრამ 61-ე წუთზე ნეგრედოს მიერ შესრულებული პენალტი უკრაინელმა მეკარე ლუნინმა მოიგერია.
"ბარსელონასა" და "ხეტაფეს" შეხვედრა უგოლოდ დასრულდა და კატალონიურმა გუნდმა მეორე ადგილი გაინაღდა. აღსანიშნავია, რომ როდესაც 2021 წლის 6 ნოემბერს ხავიმ ჩაიბარა, "ბარსა" მეცხრე პოზიციაზე იყო.
"ატლეტიკო" და "სევილია" დაზავდნენ (1:1) და
ორივე გუნდი მომავალ სეზონში ჩემპიონთა ლიგაზე იასპარეზებს.
ევროპა ლიგაზე "ბეტისი" და "სოსიედადი" ითამაშებენ, ხოლო კონფერენს ლიგაზე - "ვილიარეალი" ან "ბილბაო".
"ლევანტემ" სახლში "ალავესს" 3:1 სძლია და სეგუნდაში თან გაიყოლა.
![alt](/pictures/image50/e4f5d29357d21e42c4fad0f3fc9a2855.jpg "ხავიმ მეცხრე ადგილზე მყოფი "ბარსა" ჩაიბარა და მეორეზე გაიყვანა")
ხავიმ ლევანდოვსკის შესაძლო ტრანსფერზე კომენტარი გააკეთა
