ესპანეთის თასის მერვედფინალში "ბარსელონამ" სტუმრად რანგით მესამე დივიზიონის "სეუტა" 5:0 დაამარცხა და გათამაშების შემდეგ ეტაპზე გავიდა.
გიბრალტარის პირდაპირ მდებარე ქალაქ სუეტაში, სადაც 85 ათასი ადამიანი ცხოვრობს, "ბარსელონას" სტუმრობამ დიდი ინტერესი გამოიწვია და სტადიონი პირთამდე გაივსო. "ბარსელონას" მწვრთნელმა ხავიმ ესპანეთის სუპერთასის ფინალში "რეალთან" მოგებული მატჩისგან განსხვავებული სასტარტო შემადგენლობა გაიყვანა მოედანზე, მხოლოდ ლევანდოვსკი დააყენა ძირითადში და მეტოქეს ადვილად გაუსწორდა.
ლევანდოვსკიმ დუბლი შეასრულა და ზედიზედ მესამე მატჩში გაიტანა - მის ანგარიშზე კლუბში 23 შეხვედრაში 22 გოლი და 5 საგოლე გადაცემაა.
შემდეგ შეხვედრას "ბარსა" 22 იანვარს, ლა ლიგაზე, საკუთარ მოედანზე "ხეტაფესთან" გამართავს.
სეუტა - ბარსელონა 0:5
გოლები: 0:1 რაფინია (41), 0:2 ლევანდოვსკი (50), 0:3 ფატი (70), 0:4 კესიე (77), 0:5 ლევანდოვსკი (90)
![alt](/pictures/image50/65651c39e2dfe3de10d42a97a4b985d9.jpeg ""ბარსელონა" მეოთხედფინალში უპრობლემოდ გავიდა")
"ბარსელონა" რაფინიას 100 მილიონზე ნაკლებად ვერ შეელევა
