მადრიდის "რეალის" გერმანელმა ვარსკვლავმა ტონი კროოსმა სუპერლიგის იდეას დაუჭირა მხარი და უეფა გააკრიტიკა. 33 წლის ნახევარმცველი ერთა ლიგასაც შეეხო და თქვა, რომ ევროპული ფეხბურთის მმართველმა ორგანომ ისეთი ტურნირი შექმნა, რომელიც არავის აინტერესებს:"ვფიქრობ, სუპერლიგას ვიხილავთ და ამას არაერთი მიზეზი აქვს. ტურნირის იდეა შეიცვალა და განხილვას იმსახურებს. თუ სიტუაციას მთლიანობაში შევხედავთ, შევამჩნევთ, რომ უეფა სულაც არ არის გულშემატკივრებისთვის კეთილგანწყობილი ორგანიზაცია. ამჟამად სუპერლიგა ყველა კლუბის განაცხადების განხილვას აპირებს.
ამ ტურნირზე არ იგეგმება, რომ მონაწილეობა მხოლოდ დამფუძნებელმა კლუბებმა მიიღონ და ისინი მუდმივად იასპარეზებენ.
ხშირად მოსაზრებები მხოლოდ უეფადან მოდის და არის განცდა, რომ არავინ გვისმენს. მათ შექმნეს ერთა ლიგა, რომელიც არავის არაფერში სჭირდება და ამის შესახებ მათ კითხვას არავინ უსვამს", - ციტირებს კროოსს AS.
