ლა ლიგის 33-ე ტურში „რეალი“ გასვლაზე „სოსიედადთან“ 0:2 დამარცხდა.სტუმართა გუნდს ბენზემა, მოდრიჩი და დისკვალიფიცირებული ვინისიუსი ვერ დაეხმარნენ. მასპინძლები შესვენების შემდეგ კუბომ დააწინაურა. 61-ე წუთზე მეორე ყვითელი ბარათი მიიღო კარვახალმა და „ბლანკოსი“ რიცხობრივ უმცირესობაში დარჩა. აქედან მოყოლებული, ბასკები ბევრს უტევდნენ და 85-ე წუთზე ბარენეჩეამ კურტუას მეორე გოლი გაუტანა.
„რეალმა“ ბოლო სამ ტურში მეორე მარცხი განიცადა, ლიდერ „ბარსელონას“ 14 ქულით ჩამორჩება, მესამე პოზიციაზე მყოფ „ატლეტიკოს“ 2 ქულით უსწრებს, რომელიც 4 მაისს „კადისს“ უმასპინძლებს და გამარჯვების შემთხვევაში მეორე ადგილზე გადავა.
„სამეფო კლუბი“
7 მაისს, სევილიაში თასის ფინალში, „ოსასუნას“ შეხვდება, ხოლო 9 მაისს, ჩემპიონთა ლიგის პირველ ნახევარფინალურ მატჩში, „მანჩესტერ სიტის“ მიიღებს.
"ბარსელონას" პრიმერას მოსაგებად ბოლო 5 ტურში 2 ქულის მოპოვება სჭირდება.
სან-სებასტიანი. „რეალ არენა“. 35 314 მაყურებელი
სოსიედადი - რეალი 2:0
გოლები: 1:0 კუბო (47), 2:0 ბარენეჩეა (85)
გაძევება: კარვახალი (61)
![alt](/pictures/image50/de212c30494bf6016b95142835250640.jpeg ""რეალი" სან-სებასტიანში დამარცხდა და შეიძლება მესამე ადგილზე დაქვეითდეს")
ვიზიტი ჯოკოვიჩის ყოფილ ექიმთან - მოდრიჩს "რეალის" დახმარება ნავარაუდებზე ადრე სურს
![ჩემპიონთა ლიგა. 1/2-ფინალი: საბრძოლო ფრე მიუნხენში - გამარჯვებული მადრიდში გამოვლინდება [VIDEO]](/pictures/image7/15b845a3ef18103a3d63b9282b3dda7d.jpg "ჩემპიონთა ლიგა. 1/2-ფინალი: საბრძოლო ფრე მიუნხენში - გამარჯვებული მადრიდში გამოვლინდება [VIDEO]")
