იმის გამო, რომ დავიდ ალაბა და ედერ მილიტაო ტრავმირებულები არიან, "რეალი" იანვარში ცენტრალური მცველის დამატებას შეეცდება. As-ის ცნობით, არაა გამორიცხული, "სამეფო კლუბმა" "მანჩესტერ იუნაიტედიდან" რაფაელ ვარანი დაიბრუნოს.
ვარანის ტრანსფერის მომხრეა მადრიდული გუნდის მწვრთნელი კარლო ანჩელოტი, რომელიც მას კარგად იცნობს და ადაპტაციაც არ დასჭირდება. პრობლემა შეიძლება ფეხბურთელის ხელფასი გახდეს - ის "რეალში" წელიწადში 8 მილიონ ევროს გამოიმუშავებდა, "იუნაიტედში" კი 15 მილიონს იღებს.
30 წლის ვარანმა ამ სეზონში პრემიერლიგის 9 მატჩში 1 გოლი გაიტანა.
![alt](/pictures/image50/332e7da91d619600daf3ce4293f83bc8.jpeg "რაფაელ ვარანი შეიძლება "რეალში" დაბრუნდეს")
"მანჩესტერ იუნაიტედი" ზამთარში შესაძლოა, 5 ფეხბურთელს შეელიოს
