ცნობილი და ავტორიტეტული იტალიელი სპორტული ჟურნალისტის, ფაბრიციო რომანოს ინფორმაციით, 38 წლის ლუკა მოდრიჩი და "რეალი" კონტრაქტის კიდევ 1 წლით გახანგრძლივებაზე შეთანხმდნენ და ამ ამბავს მალე გააოფიციალურებენ. ამრიგად, ისტორია, რომელიც 2012 წელს დაიწყო, კიდევ 1 წლით გაგრძელდება. გასულ სეზონში მოდრიჩმა ყველა ტურნირზე ჯამში 46 შეხვედრაში ითამაშა, სადაც 2 გოლი გაიტანა და 8 შედეგიანი გადაცემაც გააკეთა.
