ევროპა ლიგაზე "ტორპედოსა" და "ლუდოგორეცის" გარდა კიდევ 20 მატჩი გაიმართა. ჩვენს მკითხველს რა თქმა უნდა, პირველ რიგში ქართველი ლეგიონერების ამბები აინტერესებს. მივყვეთ თანმიმდევრობით."დუდელანჟმა" მორიგი სენსაცია მოახდინა და საკუთარ მოედანზე 2:0 დაამარცხა "კლუჟი". შეგახსენებთ, ლუქსემბურგურმა გუნდმა წინა ეტაპიდან "ლეგია" გამოაგდო. მასპინძელთა ნახევარმცველი ლევან ყენია განაცხადში არ ყოფილა.
ტრნავას "სპარტაკმა", რომელიც 29-ე წუთიდან კაცნაკლული იყო, ლიუბლიანაში 2:0 სძლია "ოლიმპიას". სლოვაკური გუნდის ჰავბეკი ვახტანგ ჭანტურიშვილი ტრავმირებულია.
"ზორია" საკუთარ მოედანზე დაუზავდა "ლეიპციგს" (0:0). აღსანიშნავია, რომ ლუგანსკური გუნდი მე-19 წუთიდან რიცხობრივ უმცირესობაში იმყოფებოდა. "ზორიას"
"გენტისა" და "ბორდოს" შეხვედრა უგოლოდ დასრულდა. ბელგიური გუნდის ნახევარმცველი გიორგი ჩაკვეტაძე ძირითად შემადგენლობაში იყო და 87-ე წუთზე შეცვალეს.
"უფამ" გლაზგოში 0:1 წააგო "რეინჯერსთან". რუსული გუნდის მცველმა ჯიმი ტაბიძემ შეუცვლელად ითამაშა.
!["რუსეთის დდშვც... საქართველო ევროპაში" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]](/pictures/image7/e693a91eba3d3b8adbb4159be8b075c1.png "\"რუსეთის დდშვც... საქართველო ევროპაში\" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]")
