7 სექტემბერს, ევროშესარჩევი ტურნირის A ჯგუფში ინგლისი უპრობლემოდ გაუსწორდა ბულგარეთს (4:0).
ჰეთ-თრიკი კეინმა შეასრულა, რომელმაც 2 გოლი პენალტით გაიტანა. ჰარის ანგარიშზე 8 რეალიზებული თერთმეტმეტრიანია და "სამ ლომში" მასზე მეტი პენალტი მხოლოდ ლამპარდმა გაიტანა (9). კეინმა ზედიზედ მესამე საკვლიფიკაციო შეხვედრაში დალაშქრა მეტოქეთა კარი და 40 თამაშში 25 გოლი მიითვალა - ამ მაჩვენებლით ის მხოლოდ ლინეკერს ჩამოუვარდება, რომელმაც პირველ 40 მატჩში 27 გოლი გაიტანა.
ინგლისმა მესამე მატჩშიც იმარჯვა და 10 სექტემბერს კოსოვოს უმასპინძლებს.
ლონდონი. "უემბლი". 82 605 მაყურებელი
ინგლისი - ბულგარეთი 4:0
გოლები: 1:0 კეინი (24), 2:0 კეინი (49, პენ), 3:0 სტერლინგი (55), 4:0 კეინი (73, პენ)
![ესპანეთი ჩემპიონია, მოიგო, ვისაც უნდა მოეგო - მიქაუტაძე "ოქროს ბუცის" მფლობელი გახდა! [VIDEO]](/pictures/image7/702e8e99cbaba44913bb7216250bd724.jpeg "ესპანეთი ჩემპიონია, მოიგო, ვისაც უნდა მოეგო - მიქაუტაძე \"ოქროს ბუცის\" მფლობელი გახდა! [VIDEO]")
