სტუმრებმა თავიდანვე შეუტიეს და ჟოტამ ორი მომენტი გაანიავა. პორტუგალია თანდათან ზეწოლას ზრდიდა, ცალკარა თამაში მიდიოდა და მასპინძლები კონტრიერიშების მიტანასაც კი ვერ ახერხებდნენ. ტაიმის დასასრულს ჯერ ჟოტას კიდევ ერთი შანსი მიეცა, მაგრამ მეკარემ გატანა არ დაანება, შემდეგ კი რონალდომ რამდენიმე მეტრიდან ვერ უწია მიზანს და პირველი ტაიმი უგოლოდ დასრულდა.
შესვენების შემდეგ მადიარები თავს კიდევ უფრო უკეთ იცავდნენ, კონტრშეტევებით პასუხობდნენ და შეცვლაზე შესულმა შიონმა გოლიც გაიტანა, მაგრამ ლაინსმენმა თამაშგარე მდგომარეობა დააფიქსირა. ეს, ალბათ, შეხვედრაში გადამწყვეტი ეპიზოდი გამოდგა. ცოტა ხანში რაფაელ გერეირომ პორტუგალია დააწინაურა, მერე რონალდომ რაფა სილვას მოპოვებული პენალტი გამოიყენა, კომპენსირებულ დროში დუბლი შეასრულა და ლუზიტანებმა გაიმარჯვეს.
ბუდაპეშტი. “პუშკაშ არენა“. 61 000 მაყურებელი
უნგრეთი - პორტუგალია 0:3
გოლები: 0:1 რაფაელ გერეირო (84), 0:2 რონალდო (87, პენ), 0:3 რონალდო (90+2)
დღეს ამავე ჯგუფში საფრანგეთი და გერმანია დაუპირისპირდებიან ერთმანეთს.
. რონალდო პირველი ფეხბურთელია, რომელმაც კონტინენტის 5 პირველობაზე ითამაშა.
. კრიშტიანომ ტურნირზე მე-11 გოლი გაიტანა და პლატინის რეკორდი დაამხო.
. მან ეროვნულ გუნდში 106 გოლი გაიტანა და მსოფლიოს რეკორდამდე 3 გოლი უკლია.
. რონალდო ტურნირზე დუბლის შემსრულებელი ყველაზე ასაკოვანი ფეხბურთელია - 36 წლის და 130 დღის. აქამდე რეკორდი შევჩენკოს ეკუთვნოდა.
იტალიის ნაკრები ბრწყინავს - უგოლო ესპანეთი-პორტუგალია [VIDEO]
![აი, ასეთი გოლი გაუტანა ლობოტკამ პორტუგალიის ნაკრებს [VIDEO]](/pictures/image7/59d7dcc02efa8cbc02fc6161f48cb69e.jpg "აი, ასეთი გოლი გაუტანა ლობოტკამ პორტუგალიის ნაკრებს [VIDEO]")
