მიუნხენის "ბაიერნის" ხელმძღვანელობა ისედაც უკმაყოფილო იყო ამ სეზონში ბუნდესლიგაზე გუნდის თამაშით, ჩემპიონთა ლიგაზე პსჟ-სთან 0:3 წაგების შემდეგ კი დღის წესრიგში უკვე მწვრთნელის, კარლო ანჩელოტის გადაყენების საკითხი დადგა.დღეს საღამოს კლუბის საგანგებო სხდომაა დანიშნული და არაა გამორიცხული, იტალიელი სამუშაოდან დაითხოვონ. "რეკორდმაისტერის" მმართველი საბჭოს თავმჯდომარემ, კარლ-ჰაინც რუმენიგემ და სპორტულმა დირექტორმა ჰასან სალიჰამიჯიჩმა ამ საკითხზე კომენტარის გაკეთება არ ისურვეს.
კარლოს გადაყენების შემთხვევაში მწვრთნელის მოვალეობას დროებით მისი თანაშემწე ვილი სანიოლი შეასრულებს.
