რამდენიმე წუთის წინ ოფიციალურად დადასტურდა, რომ მიუნხენის "ბაიერნმა" კარლო ანჩელოტი დაკავებული თანამდებობიდან გაათავისუფლა."რეკორდმაისტერის" ოფიციალური განცხადების თანახმად, კლუბის ხელმძღვანელობამ მიმდინარე სეზონის ანალიზი ჩემპიონთა ლიგის მე-2 ტურში "პარი სენ-ჟერმენთან" წაგების (0:3) შემდეგ გააკეთა. ანალიზის შემდეგ დადგინდა, რომ "ბაიერნის" საამსეზონო თამაში მოლოდინებს არ შეესაბამება.
კარლო ანჩელოტის მსგავსად, "ბაიერნიდან" გაუშვეს მისი სამწვრთნელო შტაბის წევრები - დავიდე ანჩელოტი, ჯოვანი მაური, ფრანჩესკო მაური და მინო ფულკო. ახალი მთავარი მწვრთნელის დანიშვნამდე კი გუნდს ვილი სანიოლი უთავკაცებს. სწორედ მას ვიხილავთ 1-ელ ოქტომბერს, ბერლინში, "ჰერტასთან" გასამართი მატჩის დროს
ანჩელოტის სავარაუდო შემცვლელებად კი თომას ტუხელი და იულიან ნაგელსმანი სახელდებიან.
ამათ კიდევ კარლიტო გაუშვეს.ანუ,უფრო ეკონომია გააკეთეს.რამე თუ ახალ მწვრთნელს მაგხელა ხელფასს ნაღდად არ მისცემენ...