34 წლის ფრანკ რიბერიმ განაცხადა, რომ "ჰერტასთან" შეხვედრაში მიღებული ტრავმა მას ვერ გატეხს. უკვე გვეწერა, რომ ფრანგი ვარსკვლავი უახლოესი ორი-სამი თვის განმავლობაში ვერ ითამაშებს. ამის მიუხედავად, ის მაინც იმედიანადაა."ეს ტრავმა მაინც ვერ გამტეხს. იმ ხალხმა, ვინც კარგად მიცნობს, ისიც იცის, რომ ჩემი ცხოვრების განმავლობაში არაერთხელ ვყოფილვარ რთულ სიტუაციაში. მე ყოველთვის მებრძოლი ვიყავი და ვამარცხებდი პრობლემებს. ასე იქნება ამ შემთხვევაშიც - ამ ტრავმასაც მოვერევი", - ასეთი ოპტიმისტია რიბერი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
