იუპ ჰაინკესმა მეუღლე მიუნხენში თან არ წაიყვანა, რაინის ხეობაში, დაბა ფიშელნში დატოვა, სადაც 1 381 ადამიანი ცხოვრობს, თავად კი კლუბის პრეზიდენტის ული ჰიონესის სახლში დაბინავდება. მისი თხოვნით გუნდში დიუსელდორფის "ფორტუნადან" დააბრუნეს თავისი ყოფილი ასისტენტი პიტერ ჰერმანი (ეს სიამოვნება რეკორდმაისტერს 1.75 მილიონი ევრო დაუჯდა) და ფიტნესის მწვრთნელი ჰოლგერ ბროისი.
დღეს ჰაინკესის პრეზენტაცია გაიმართება, შემდეგ გუნდს ავარჯიშებს, შაბათს კი "ბაიერნი" მისი ხელმძღვანელობით ბუნდესლიგის მე-8 ტურში "ალიანს არენაზე" "ფრაიბურგთან" ითამაშებს.
