ბუნდესლიგაზე აგერ უკვე 8 ტურია არ მოუგია დორტმუნდის "ბორუსიას", მე-15 ტურში "სიგნალ იდუნა პარკზე" ერთ-ერთ აუტსაიდერ "ვერდერთან" დამარცხების შემდეგ (1:2), ყოფილი ლიდერი მე-4 ადგილზე ჩამოქვეითდა და "ბილდის" ცნობით, დღეს მის მწვრთნელს პეტერ ბოსს გადააყენებენ. ბუნდესლიგაზე 97-ე გოლი გაიტანა "ბორუსიას" თავდამსხმელმა პიერ-ემერიკ ობამეიანგმა და გერმანიის ჩემპიონატის ყველა დროის საუკეთესო აფრიკელი ბომბარდირი შეიქნა. აქამდე ბუნდესლიგის აფრიკელი მთავარმეგოლე "აინტრახტისა" და "ჰამბურგის" ყოფილი ფორვარდი ტონი იებოა იყო.
"ბაიერნმა" არტურო ვიდალის გოლით 1:0 დაამარცხა ფრანკფურტში "აინტრახტი" და პირველი წრის ჩემპიონი გახდა. "რეკორდმაისტერი" 23-ჯერ გახდა შემოდგომის
"ბაიერნის" უახლოესმა მდევარმა "ლაიპციგმა" შინ ვერ მოახერხა "მაინცის" ძლევა (2:2), გლადბახის "ბორუსიასა" და "შალკეს" დაპირისპირებაც ფრედ, 1:1 დასრულდა.
