23 აგვისტოს, ბუნდესლიგის მეორე ტურში "დორტმუნდმა" გასვლაზე "კიოლნს" 3:1 მოუგო.
ამ შეხვედრაში უდავო ფავორიტები სტუმრები იყვნენ, რომლებმაც პირველ ტურში სახლში "აუგსბურგი" 5:1 გაანადგურეს, მაგრამ მასპინძელთა ნახევარმცველმა დრექსლერმა ჩაწოდებული კუთხურის შემდეგ ბურთს ადგილი ბიურკის კარის ბადეში მიუჩინა და პირველი ტაიმი 1:0 დასრულდა.
მეორე ტაიმში "დორტმუნდი" ბევრს უტევდა და 70-ე წუთზე სანჩომ საპასუხო გოლი გაიტანა. შეცვლაზე შესულმა ჰაკიმიმ 85-ე წუთზე კი თავურით დალაშქრა ჰორნის კარი. ბოლოს "კიოლნი" მთელი გუნდით შეტევაზე გადავიდა და ზურგმოშიშვლებულმა მესამე გოლი გაუშვა - სანჩოს პასით ბურთი მათ კარში ალკასერმა შეაგდო.
19 წლის სანჩო ყველაზე ახალგაზრდა ფეხბურთელი გახდა, რომელმაც ბუნდესლიგაში 15 გოლი გაიტანა - მან 1967 წელს ჰორსტ ჰაპელის დამყარებული რეკორდი დაამხო.
კიოლნი. "რეინ ენერჯი". 50 000 მაყურებელი
კიოლნი - დორტმუნდი 1:3
გოლები: 1:0 დრექსლერი (29), 1:1 სანჩო (70), 1:2 ჰაკიმი (86), 1:3 ალკასერი (90+3)
კიოლნი: ჰორნი, ეჰიზიბუე, ჩიხოსი, ბორნაუვი, ექტორი, ვერსტრატე, სკირი, დრექსლერი, შინდლერი (კაინცი 74), კორდობა (ტეროდე 55), მოდესტი (ჰეგერი 81)
დორტმუნდი: ბიურკი, ჰუმელსი, აკანჯი, პიშჩეკი, შულცი (ჰაკიმი 62), სანჩო, ვიტცელი, აზარი (ლარსენი 85), ვაიგლი (ბრანდტი 62), როისი, ალკასერი
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
![ჩემპიონთა ლიგა. II ტური: "სლოვანი" "სიტისთან" განადგურდა - "არსენალმა" პსჟ-ს, "ბაიერმა" კი "მილანს" მოუგო [VIDEO]](/pictures/image7/a0ae5a8ee8de435c45ad18e4029b420c.jpg "ჩემპიონთა ლიგა. II ტური: \"სლოვანი\" \"სიტისთან\" განადგურდა - \"არსენალმა\" პსჟ-ს, \"ბაიერმა\" კი \"მილანს\" მოუგო [VIDEO]")
![ჩემპიონთა ლიგა. I ტური: "სლოვანი" გლაზგოში განადგურდა - პსჟ-მა "ჟირონას" ძლივს მოუგო [VIDEO]](/pictures/image7/49dc2b1b39d69604ff7d2ea0e9ba49f7.jpg "ჩემპიონთა ლიგა. I ტური: \"სლოვანი\" გლაზგოში განადგურდა - პსჟ-მა \"ჟირონას\" ძლივს მოუგო [VIDEO]")
