"ბაიერნს" "ბარსელონას" ნახევარმცველი კოუტინიო სეზონის ბოლომდე იჯარით ჰყავს აყვანილი და მისი კონტრაქტის 120 მილიონ ევროდ გამოსყიდვა შეუძლია. მიმდინარე სეზონში ბუნდესლიგის 12 მატჩში კოუტინიომ 3 გოლი და 3 საგოლე გადაცემა მიითვალა და ბრაზილიელის შესახებ კლუბის მმართველი საბჭოს თავმჯდომარემ, კარლ-ჰაინც რუმენიგემ შემდეგი განაცხადა:
"კოუტინიოს გუნდში დატოვება შეგვიძლია, მაგრამ გადაწყვეტილების მისაღებად დრო გვჭირდება. ის შესანიშნავი ფეხბურთელია, თუმცა გერმანულ ფეხბურთს უნდა შეეჩვიოს. ჩვენ ახალწვეულებს მოთმინებით ვაკვირდებით", - ციტირებს რუმენიგეს "მუნდო დეპორტივო".