სენეგალური ტელევიზიის 2s TV-სთვის მიცემულ კომენტარში "ბაიერნის" შემტევის, სადიო მანეს აგენტმა ბაკარი სისემ განაცხადა, რომ მისი კლიენტი მომავალ სეზონშიც მიუნხენურ გუნდში ითამაშებს. როგორც ის აღნიშნავს, მანემ "რეკორდმაისტერთან" 3-წლიანი კონტრაქტი გააფორმა, ჯერ 1 წელია გასული და ფეხბურთელი ნავსაყუდელის გამოცვლას არ გეგმავს, ის არც საუდის არაბეთში გადავა.
შეგახსენებთ, რომ სენეგალელი "ალიანს არენაზე" გასულ ზაფხულს "ლივერპულიდან" 32 მილიონი ევროს სანაცვლოდ გადაბარგდა.
