"მანჩესტერ სიტის" მთავარი მწვრთნელი პეპ გვარდიოლა მისი ყოფილი შეგირდის, "ბარსელონას" საყრდენი ნახევარმცველის, სერხიო ბუსკეტსის შეძენით დაინტერესდა. ამ ინფორმაციას კატალონიელი სპორტული ჟურნალისტი სერჟი ესტებანი ავრცელებს.წყაროს ცნობით, "ქალაქელები" მზად არიან, 29 წლის ფეხბურთელს წელიწადში 8.3 მილიონი ევრო გადაუხადონ. ტრანსფერის თანხაზე კი არაფერია ნათქვამი.
"ბარსელონამ" რომ ბუსკეტსი თავისი ნებითი გაუშვას, ეს თითქმის გამორიცხულია. გუშინ, კატალონიელთა მხარდამჭერთა კლუბების კონგრესზე სიტყვით გამოსვლის დროს, ხოსეპ მარია ბართომეუს გულშემატკივრებმა უსტვინეს. ამის მიზეზი ნეიმარის კლუბიდან წასვლაა. ამას ბართომეუს უნდობლობის საკითხის შესაძლო აღძვრაც ემატება და ძნელი გამოსაცნობი არაა,
თუ "ბარსამ" ბუსკეტსის გაყიდვა მართლაც კატეგორიულად იუარა, "სიტის", მიზნის მისაღწევად, ფეხბურთელის გამოსასყიდი თანხის, 200 მილიონი ევროს გადახდა მოუწევს. ეს ესპანეთში საამაყო საქციელად არ ითვლება და ძნელი წარმოსადგენია, გვარდიოლამ თავის მშობლიურ კლუბთან ურთიერთობის გაფუჭება გარისკოს, თუნდაც თავის დროზე მის მიერ აღმოჩენილი ბუსკეტსის გამო.
- რა ღირს "ბარსელონასა" და "რეალის" ვარსკვლავების გამოსყიდვა?
![ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]](/pictures/image7/dae53d15a7ea3ed2658a0515f50a9770.png "ასე დასცინეს გვარდიოლას \"ტოტენჰემის\" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]")
