"მანჩესტერ იუნაიტედის“ ესპანელი ნახევარმცველი ხუან მატა გუნდის საწვრთნელ ბაზაზე კარინგტონში ტრაქტორს ატარებდა. არ გეგონოთ შეთავსებით ტრაქტორისტობა დაიწყო. ამის საჭიროება არა აქვს, რადგან ძალიან მდიდარი ადამიანია. უბრალოდ, ტრაქტორების მწარმოებელი იაპონური ფირმა Yanmar-ი პრემიერლიგის ერთ-ერთი ოფიციალური პარტნიორია, სპონსორობაში დიდ თანხას უხდის და ფეხბურთელები ვალდებულნი არიან სარეკლამო ფოტოები და ვიდეორგოლები გადაიღონ ხოლმე.
ეს სურათი კი მატას თანამემამულე თანაგუნდელმა ანდერ ერერამ გადაიღო და სოციალურ ქსელში გაავრცელა.
