ცუდად მისდის ამ სეზონში საქმეები "ვესტ ჰემს", პრემიერლიგაზე 9 ტურის შემდეგ მე-16 ადგილზეა და უკვე ლაპარაკობენ მისი მწვრთნელის სლავენ ბილიჩის გადაყენებაზე. წუხელ "უებლიზე" 0:2-ს აგებდნენ "ჩაქუჩები" ბრწყინვალე ფორმაში მყოფ "ტოტენჰემთან", მაგრამ საბოლოო გამარჯვების მოპოვება მოახერხეს 3:2 და ოდნავი შვებით ამოისუნთქა მისმა ხორვატმა დამრიგებელმა:"შესვენებაზე ფეხბურთელებს ველაპარაკე, ოღონდ ისე არა როგორც "ბრაიტონთან" შეხვედრისას. პირველ ტაიმში უხეიროდ არ გვითამაშია, შედეგი კი ვერ იყო სახარბიელო. ამისთანა გუნდისთვის 3 გოლის გატანა არაა სახუმარო საქმე. მოგება დავიმსახურეთ და ეს ჩვენთვის ძალზედ მნიშვნელოვანია.
მართლა კარგად გავისარჯეთ.
