როგორც მოსალოდნელი იყო, ლონდონის "ვესტ ჰემის" უხეიროდ ასპარეზობის გამო სამუშაოდან დაითხოვეს მისი მწვრთნელი სლავენ ბილიჩი, რომელიც გუნდს სათავეში 2015 წლიდან ედგა. ხორვატი გადაყენებას წინასწარ იყო შეგუებული, მშვიდად აღიქვა და BBC-ს განუცხადა, რომ ამაყობს გაწეული სამუშაოთი, სეზონი ცუდად დაიწყეს, შედეგზე მწვრთნელია პასუხისმგებელი, კლუბის ხელმძღვანელების გადაწყვეტილება ლოგიკურია და მადლობას უხდის გულშემატკივრებს მხარდაჭერისათვის, რომლებიც მუდამ თანადგომას უცხადებდნენ.
როგორც იუწყებიან, სავარაუდოდ, ბილიჩს დევიდ მოიესი შეცვლის.
