პრემიერლიგის 21-ე ტურში შეწყდა ინგლისის ჩემპიონატზე "მანჩესტერ სიტის" 18-მატჩიანი მოგებათა სერია. "ქალაქელები" ლონდონში ერთ-ერთ აუტსაიდერთან", "კრისტალ პალასთან" კინაღამ დამარცხდნენ, როდესაც 90-ე წუთზე სტერლინგმა საკუთარ საჯარიმოში ზაჰა წააქცია და მილივოევიჩს პენალტი ედერსონმა აუღო. ამ შეხვედრის მე-11 წუთზე ტაუნსენდთან ბრძოლისას შპაგატში ჩაჯდა "სიტის" თავდამსხმელი გაბრიელ ჟეზუში, რომელმაც 24-ე წუთზე შეცვლა ითხოვა და მოედანი თვალცრემლიანმა დატოვა.
ზედ მსაჯის საფინალო სასტვენის წინ კი კელი დე ბრიუნეს ეუხეშა და ბელგიელი მოედნიდან საკაცით გაიყვანეს. ასევე საკაცით გაიყვანეს მასპინძელთა გუნდის ნახევარმცველი პანჩეონი.
