როგორც გაუწყეთ, მსაჯების კრიტიკისათვის "არსენალის" მენეჯერი არსენ ვენგერი სამმატჩიანი დისკვალიფიკაციით დასაჯეს, 40 ათასი ფუნტით დააჯარიმეს და კიდევ უფრო სერიოზულად უპირებენ დასჯას. თუმცა, არსენმა იქით შეუტია არბიტრებს:"მიუხედავად დისკვალიფიკაციისა, ჩემი სიტყვები უკან არ მიმაქვს. ჩემი აზრი ზოგიერთ რეფერიზე არ შემიცვლია. მე ამ საქმეს ღირსეულად ვემსახურები, რასაც ყველაზე ვერ ვიტყვი. ჩემი ნათქვამი ემოციის შედეგი როდია. აქ 21 წელია ვმუშაობ და მინდა განვაცხადო - მსაჯობის მხრივ არაფერიც არ შეიცვლება".
