გერმანიის ნაკრებისა და ლონდონის "არსენალის" ნახევარმცველმა მესუთ იოზილმა კლუბთან შრომითი ხელშეკრულება 3 წლით გაახანგრძლივა და "ემირეითსზე" ბურთს 2021 წლამდე გააგორებს. 29 წლის ფეხბურთელს "მეთოფეებთან" კონტრაქტი ზაფხულში ეწურებოდა და მისი შესაძლო წასვლის შესახებ ხმებიც ვრცელდებოდა, თუმცა იოზილმა "არსენალში" დარჩენა არჩია. ახალი კონტრაქტის მეშვეობით იგი კვირაში 300 ათას ფუნტს გამოიმუშავებს. მან სოციალურ ქსელში დაწერა:
"ახალი ამბავი უნდა გამცნოთ, რითაც ძალიან ამაყი ვარ. "არსენალში" კიდევ 3 წლით დავრჩები. ეს ჩემს ცხოვრებაში ერთ-ერთი უმნიშვნელოვანესი გადაწყვეტილება იყო. აღნიშნული გადაწყვეტილება კი მე გულმა მიკარნახა. "არსენალში" თავს
ძალიან დიდ მოტივაციას ვგრძნობ და იმედი მაქვს, შემდეგ წლებში დიდ წარმატებებს მივაღწევთ. ერთხელ მეთოფე, ყოველთვის მეთოფე", - დაწერა იოზილმა.
![იოზილის საოცარი ტრანსფორმაცია - ვეტერანი ფეხბურთელი მაგარ ფიზიკურ ფორმაშია [VIDEO]](/pictures/image7/28ee594ef3deabbc0715a354bd44a47a.png "იოზილის საოცარი ტრანსფორმაცია - ვეტერანი ფეხბურთელი მაგარ ფიზიკურ ფორმაშია [VIDEO]")
