პრემიერლიგის 30-ე ტურში "ტოტენჰემმა" სტუმრად 4:1 დაამარცხა "ბორნმუთი". მატჩის 34-ე წუთზე ტრავმა მიიღო "დეზების" ფორვარდმა ჰარი კეინმა და შეცვალეს. მან სტადიონი ყავარჯნებით დატოვა.შეხვედრის დასრულების შემდეგ კომენტარი ლონდონური გუნდის მწვრთნელმა მაურიციო პოჩეტინიომ გააკეთა:
"ჰარის ტრავმირებულ კოჭ-წვივზე მედშემოწმება ჩაუტარდება. იმავე ადგილას ადრე ტრავმა ჰქონდა. იმედია, არაფერი სერიოზული არ სჭირს.
თავად პოზიტიურადაა განწყობილი. ძლიერი პიროვნებაა. გაუხარდა გუნდის გამარჯვება".
