ვინ გახდება ინგლისის პრემიერლიგის 2017/18 წლების სეზონის საუკეთესო ფეხბურთელი? დიდი ალბათობით, ეს მოჰამედ სალაჰი ანდაც კევინ დე ბრუინი იქნება.ორივე ფეხბურთელს ძალიან კარგი სეზონი აქვს. ჟურნალისტები აღნიშნულ თემასთან დაკავშირებით ბელგიელ ნახევარმცველს გაესაუბრნენ.
"თუ მე ამ ჯილდოს მივიღებ, ეს კლუბისთვისაც და ჩემთვისაც დიდებული იქნება. ერთი მხრივ, ამ პრიზს ვიმსახურებ, რადგან მთელი სეზონის განმავლობაში კარგ ფორმაში ვარ.
ჩემი ასპარეზობით ძალიან ბედნიერი ვარ და ვერც კი წარმოვიდგენდი, თუ ასეთი კარგი წელი მექნებოდა.
სალაჰთან შედარება? ეს შეუძლებელია. ჩვენ თითქმის სხვადასხვა პოზიციაზე გვიწევს თამაში. მაგალითად,
რა სტატისტიკით უნდა შეგვადარონ ერთმანეთს? მას დიდებული სეზონი და გოლების ჩინებული ალღო აქვს.
ყველას თავისი აზრი აქვს და ზოგს ჩემი სტილის ფეხბურთელები მოსწონს, ზოგსაც კი სალაჰის", - აღნიშნა დე ბრუინმა.
მომზადებულია Telegraph.co.uk-ის მიხედვით
