მსოფლიო საფეხბურთო საზოგადოება "არსენალს" არსენ ვენგერის გარეშე ემშვიდობება. 22 წლის განმავლობაში კლუბი და მწვრთნელი განუყოფლები იყვნენ. ჩემი როგორც საფეხბურთო ქომაგის აზრია, რომ "არსენალი" ვენგერის გარეშე უფრო მეტს დაკარგავს ვიდრე შეიძენს. მაგრამ ამ ყველაფერს დრო გვიჩვენებს, ახალი მწვრთნელი და ის ფული რომელიც კლუბში იტრიალებს.
საინტერესოა რას აკეთებდნენ ვენგერის დღევანდელი კოლეგები 1996 წელს, როცა არსენი კონტრაქტს ხელს აწერდა.
დავიწყოთ პრემიერლიგით:
ანტონიო კონტე 27 წლის იყო და "იუვენტუსში თამაშობდა.
იურგენ კლოპი 29 წლის
პეპ გვარდიოლა 25 წლის იყო და ესპანეთში "ბარსელონას" მაისურით დარბოდა.
ჟოზე მოურინიო 33 წლის იყო და "ბარსელონაში" მწვრთნელის ასისტენტი იყო.
მაურისიო პოჩეტინო საკმაოდ ახალგაზრდა 24 წლის იყო და "ესპანიოლის" რიგებში აგორავებდა ბურთს.
რაფაელ ბენიტესი 36 წლის იყო და "ოსასუნას" წვრთნიდა.
პრემიერლიგის მიღმა ასე იყო ვითარება:
24 წლის ზინედინ ზიდანი იმ პერიოდში გადავიდა "იუვენტუსში"
32 წლის ერნესტო ვალვერდე კარიერის დასრულებამდე ერთი წლით ადრე "მალიორკას" ფეხბურთელი გახდა.
26 წლის დიეგო სიმეონე მაშინაც "ატლეტიკოში" იყო, თუმცა ფეხბურთელი.
29 წლის მასიმილიანო ალეგრი "პერუჯიას" ღირსებას იცავდა.
50 წლის იუპ ჰაიკენსი "ტენერიფეს" წვრთნიდა.
32 წლის ვლადიმირ ვაისი ახალგადასული იყო "არტმედია პეტრზალკაში" ფეხბურთელად.
28 წლის თემურ ქეცბაიას "აეკში" გაჰქონდა გოლები
