ლონდონის "არსენალის" მთავარმა მწვრთნელმა არსენ ვენგერმა ინგლისურ პრესასთან შეთავაზებების შესახებ ისაუბრა."ძალიან ბევრი შემოთავაზება მაქვს, იმაზე მეტი, ვიდრე ეს წარმომედგინა. თუმცა ამ წინადადების განხილვა და გაანალიზება ჯერჯერობით არ მსურს.
მსურს, ბოლო დღემდე, ვიდრე ლონდონელთა მწვრთნელი ვიქნები, ამ გუნდზე ვიყო კონცენტრირებული.
ერთი, რისი თქმაც შემიძლია, ისაა, რომ ვგრძნობ და გონება მკარნახობს - აქტიური ცხოვრებისა და სამსახურისთვის ჯერ კიდევ მზად ვარ", - აღნიშნა ვენგერმა.
