იმ შემთხვევაში, თუ "ასტონ ვილა" პრემიერლიგაში გადავა, ჯონ ტერის სურვილის შემთხვევაში, ის ლონდონის "ჩელსის" წინააღმდეგ არ ითამაშებს. ამის შესახებ ბირმინგემული კლუბის მთავარმა მწვრთნელმა სტივ ბრიუსმა განაცხადა. როგორც იცით, 37 წლის მცველი "არისტოკრატების" ლეგენდაა და "ასტონ ვილას" შემადგენლობაში გასული სეზონის დასაწყისში გადავიდა.
სტივ ბრიუსის კლუბი 26 მაისს, ჩემპიონშიპის პლეი-ოფის ფინალში "ფულემს" დაუპირისპირდება და გადაწყდება, მოიპოვებს თუ არა გუნდი პრემიერლიგის საგზურს.
ტერის "ასტონ ვილასთან" კიდევ 1-წლიანი კონტრაქტი აკავშირებს.
