რა გასაკვირია, რომ პრემიერლიგის მე-20 ტურში "არსენალის" დამარცხების (5:1) შემდეგ "ლივერპულის" მენეჯერი იურგენ კლოპი ჩინებულ ხასიათზე იყო.
"უდავოა, გიჟური თამაში გამოვიდა. ძალიან მაგრები ვიყავით და სწორედ ის გავაკეთეთ, რაც გვინდოდა.
პრესინგს მივმართეთ და მეტოქეს შეტევის საშუალება არ მივეცით. მოწინააღმდეგეც ანალოგიურად იქცეოდა. ამიტომ დასაწყისი ქარიშხლისებრი იყო. თუმცა, როდესაც ბურთს მიიღებ, უნდა დაწყნარდე.
ჩვენი რეაქცია გაშვებულ გოლზე - მსოფლიოს დონეა. სიმშვიდე შევინარჩუნეთ და "არსენალი" ვაიძულეთ შეცდომები დაეშვა. ფირმინომ მეორე გოლი გაიტანა, მანემ კი მესამე. ვაუ. თავსაც იდეალურად ვიცავდით.
ვიცოდით, თამაში
დასრულებული არ იყო და გვინდოდა კონტროლი არ დაგვეკარგა. კინაღამ ავტირდი, როდესაც სალაჰმა ფირმინოს პენალტის შესრულების უფლება მისცა. ჩვენ ხომ ვიცით, როგორ უყვარს სალაჰს გოლის გატანა. ეს მართლაც ლამაზი გახლდათ.
"არსენალს" 5:1-ს ხშირად ვერ მოუგებ. მართლა გამიხარდა. 2018 წელი ჩვენთვის ურიგო არ იყო. ბიჭებმა წინ დიდი ნაბიჯი გადადგეს. ამ წელზე სამდურავი არა მეთქმის".
"ლივერპულმა" "არსენალი" გააბითურა და "ტოტენჰემს" 9 ქულით გაექცა
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
