19 იანვარს, პრემიერლიგის 23-ე ტურში "ლივერპულმა" საკუთარ მოედანზე "კრისტალ პალასს" 4:3 სძლია.
"კრისტალ პალასმა" მედგარი წინააღმდეგობა გაუწია და ლიდერს გამარჯვების მოსაპოვებლად დიდი ძალისხმევა დასჭირდა.
სტუმრებმა "წითლების" კარში სამჯერ დაარტყეს ბურთი და სამივე გაიტანეს. ამ გუნდმა 22 დეკემბერს "მანჩესტერ სიტის" 3:2 მოუგო და მაშინ კარში დარტყმული სამივე გოლი გაიტანა.
"ლივერპულის" შემტევმა ნახევარმცველმა მოჰამედ სალაჰმა დუბლი შეასრულა და 16 გოლით ინგლისის ჩემპიონატის ბომბარდირია. მასზე მეტი გოლი ტოპ 5 ჩემპიონატებზე მხოლოდ "ბარსელონას" თავდამსხმელ ლეო მესის აქვს გატანილი - 17.
"ლივერპულმა" 60 ქულა დააგროვა და მეორეადგილოსან "მანჩესტერ სიტის" 7 ქულით უსწრებს, რომელიც ხვალ გასვლაზე "ჰადერსფილდს" დაუპირისპირდება.
ლივერპული. "ენფილდი". 53 131 მაყურებელი
ლივერპული - კრისტალ პალასი 4:3
გოლები: 0:1 ტაუნსენდი (34), 1:1 სალაჰი (46), 2:1 ფირმინო (53), 2:2 ტომკინსი (65), 3:2 სალაჰი (75), 4:2 მანე (90+3), 4:3 მეიერი (90+5)
გაძევება: მილნერი (89)
![alt](/pictures/image50/56abe0ace13057ae47034317deccdd27.jpg "თრილერი "ენფილდზე" - 7 გოლი, გაძევება და "ლივერპულის" რთული გამარჯვება [VIDEO]")
როი ჰოჯსონი: მეოთხე გოლის ჩათვლა არ შეიძლებოდა, რადგან იქ აშკარად ხელით თამაში იყო
![ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ "ბარსელონამ" "ბაიერნს" 4:1 მოუგო [VIDEO]](/pictures/image7/5b23cdea666d3812287c51b3c45cabb3.jpg "ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ \"ბარსელონამ\" \"ბაიერნს\" 4:1 მოუგო [VIDEO]")
