10 თებერვალს, პრემიერლიგის 27-ე ტურში "მანჩესტერ სიტიმ" საკუთარ მოედანზე "ჩელსი" 6:0 გაანადგურა.
ჰეთ-თრიკი სერხიო აგუერომ შეასრულა, რახიმ სტერლინგმა 2, ილკაი გიუნდოგანმა კი 1 გოლი გაიტანა.
"ქალაქელებმა" 65 ქულა დააგროვეს, "ლივერპულს" დაეწიენ და ბურთების უკეთესი სხვაობით გალიდერდნენ. თუმცა, "ლივერპულს" 1 მატჩით ნაკლები აქვს ჩატარებული.
"არისტოკრატებმა" პრემიერლიგაში ერთ შეხვედრაში პირველად გაუშვეს 6 გოლი, ბოლოს კი ასეთი დიდი ანგარიშით 1991 წელს დამარცხდნენ "ნოტინგემთან" - 1:7.
აგუერომ ინგლისის ჩემპიონატზე მეშვიდე ჰეთ-თრიკი შეასრულა და ამ მაჩვენებლით ალან შირერს დაეწია.
მანჩესტერი. "ეტიჰადი". 54 452 მაყურებელი
მანჩესტერ სიტი - ჩელსი 6:0
გოლები: 1:0 სტერლინგი (4), 2:0 აგუერო (13), 3:0 აგუერო (19), 4:0 გიუნდოგანი (25), 5:0 აგუერო (56, პენ), 6:0 სტერლინგი (80)
![ჩემპიონთა ლიგა. VI ტური: "ბარსელონა" წინ მიიწევს - "სიტის" ვარდნა გრძელდება [VIDEO]](/pictures/image7/c8e7d601e4694196b77c5c02b5cb7d29.jpg "ჩემპიონთა ლიგა. VI ტური: \"ბარსელონა\" წინ მიიწევს - \"სიტის\" ვარდნა გრძელდება [VIDEO]")
