20 აპრილს, პრემიერლიგის 35-ე ტურში "მანჩესტერ სიტიმ" "ტოტენჰემს" საკუთარ სტადიონზე 1:0 სძლია.
გოლი დებიუტში 18 წლის ნახევარმცველმა ფილიპ ფოდენმა სერხიო აგუეროს პასით გაიტანა. ფოდენმა ინგლისის ჩემპიონატზე პირველი გოლი გაიტანა.
ეს გუნდები 17 აპრილს ამავე სტადიონზე ჩემპიონთა ლიგის განმეორებით 1/4-ფინალურ მატჩში შეხვდნენ, "სიტიმ" 4:3 მოიგო, მაგრამ ორი შეხვედრის ჯამში დამარცხდა და გათამაშებას გამოეთიშა.
პეპ გვარდიოლას გუნდმა ამჯერადაც მინიმალური ანგარიშით იმარჯვა და 85 ქულით გალიდერდა. მეორეადგილოსანი "ლივერპული" 21 აპრილს სტუმრად "კარდიფს" შეხვდება და თუ მოუგო, ლიდერობას დაიბრუნებს. თუმცა, "სიტის" 1 მატჩით ნაკლები ექნება ჩატარებული.
"სიტიმ" ამ სეზონში სახლში 25 გამარჯვება იზეიმა და საკლუბო რეკორდი დაამყარა.
38-ე წუთზე ტრავმა მიიღო "ქალაქელების" ნახევარმცველმა კევინ დე ბრიუნემ და ფერნანდინიომ შეცვალა.
"სიტიმ" პრემიერლიგაზე აგერ უკვე 10 ტურია დაუმარცხებელია.
![სამწვრთნელო კარიერაში პირველად, გვარდიოლამ ზედიზედ 4 მატჩი წააგო - "სიტი" ამჯერად "ბრაიტონთან" დამარცხდა [VIDEO]](/pictures/image7/4f97acd2aa383f7fd5d797e97e61fe01.jpg "სამწვრთნელო კარიერაში პირველად, გვარდიოლამ ზედიზედ 4 მატჩი წააგო - \"სიტი\" ამჯერად \"ბრაიტონთან\" დამარცხდა [VIDEO]")
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
