19 ივნისს, პრემიერლიგის 30-ე ტურში "ტოტენჰემისა" და "მანჩესტერის" მატჩი 1:1 დასრულდა
მასპინძელთა გუნდში შეუცვლელად ითამაშა თავდამსხმელმა ჰარი კეინმა, რომელმაც პირველ იანვარს "საუთჰემპტონთან" მატჩში ბარძაყის ტრავმა მიიღო და მას შემდეგ უქმობდა.
"იუნაიტედში" 63-ე წუთზე შეცვლაზე შევიდა ტრავმამორჩენილი ნახევარმცველი პოლ პოგბა - ეს 2019 წლის 26 დეკემბრის შემდეგ მისი პირველი მატჩია.
"მანჩესტერის" ნახევარმცველმა ბრუნუ ფერნანდეშმა 2017 წლიდან მოყოლებული თვრამეტივე პენალტი გამოიყენა. მან "მანიუში" უკანასკნელ 7 შეხვედრაში 4 გოლი გაიტანა და 3 საგოლე გადაცემა გააკეთა.
"მანჩესტერი" 46 ქულით მეხუთე ადგილზეა, ხოლო "ტოტენჰემი" 42 ქულით - მერვეზე.
23 ივნისს, მომავალ ტურში "ტოტენჰემი" "ვესტ ჰემს" უმასპინძლებს, "მანჩესტერი" კი 24 ივნისს "შეფილდ იუნაიტედს" დაუხვდება.
ტოტენჰემი - მანჩესტერი 1:1
გოლები: 1:0 ბერგვეინი (27), 1:1 ფერნანდეში (81, პენ)
